URANG SUNDA KAMARANA?: Panineungan : 'Inohong di Bojong Rangkong"

Sabtu, 11 Desember 2010

Panineungan : 'Inohong di Bojong Rangkong"

Masih inget nya serial Inohong di Bojong Rangkong nu ditayangkeun ku TVRI Bandung di akhir taun 80an, serial anu dicandak tina salasahiji novel yasana H. RAHMATULLAH ADING AFFANDIE (RAF) anu ngagambarkeun kahirupan di padesaan khas masalah urang pakampungan.

Diantara tokoh tokohna harita teh saperti Pa Sobana, bu Enok, Aki Jumanta, Pa Soma, Ibu Erum, bi Iroh, kang Sobarna dan lainya, sangat menghayati pentokohan cerita tersebut.

Caritana ringan saujratna teu dijieun-jieun luyu jeung judulna jeung pameranna. Sok ku ki sobat bandingkeun jeung sinetron nu ayeuna anu ngajual kamewahan saperti keur jaya-jayana telenovela persis pisan, teu katinggali maknana boro-boro aya kritik sosial nu jelas. teu pararuguh nyambung salila-lila, euweuh juntrungna, teuing ngan saukur kejar tayang wungkul jeung langkung nonjolkeun kahirupan glamor hiji kulawarga. Kuring ah sok nineung lakon tokoh-tokoh dina inohong di Bojong rangkong, komo pak Somaanu sok nyarios chapetang bari dituntungan ku kecap tren harita teh, "Beu!!'" sanes kitu iroh... "

Bari kadangu laguna nu kieu

"Inohong di Bojongrangkong"

Nu teksna, cenah kieu:

inohong di bojong rangkong, lain inohong sabongbrong
inohong nu ngajak seuri, ngajak nyeungseurikeun diri
ngajak naliti nastiti, ngajak nyarita balaka
ngarampa ceda nu aya

Satuju acara "Inohong ti Bojongrangkong" teh keur nyeungseurikeun urang sunda sorangan

kadituna meureun supaya urang sunda pangpangna diajar leuwih bijaksana.

Nyeungseurikanana oge meureun kudu dituluykeun jeung mikir jeung dilarapkeun dina kahirupan

sapopoe...hehe. Abdi ngan bisa nyeungseurikeun wungkul...boboraah bijaksana!

Pokokna mah nineung hayang nyaba alam katukang, nineung pisan.

4 komentar:

hendi prawira atmajaSabtu, Oktober 01, 2011 9:55:00 PM
drama sunda nu punjul, nuteuaya deui gentosna,nu didasaran ku kahirupan sunda jaman harita,sok emut wae tokoh tokohna, nineung pisan, milari videona sesah...
BalasHapus
Balasan
AnonimRabu, Maret 20, 2013 11:50:00 PM
harita abdi nuju sd / smp an..... tapi tos ka pincut ku sinetron inohong di bojong rangkong..... hoyong ningali deui sinetron ieu.....
BalasHapus
Balasan
deffKamis, Maret 13, 2014 11:05:00 PM
Benten pisan sareng sinetron ayena mah, punten ka tvri jabar mun tiasa mah tayangkn deui
BalasHapus
Balasan
UnknownMinggu, Oktober 04, 2015 10:16:00 PM
Sok Warara'as sareng kagagas pami emut ka mangsa harita,
Mangsa sinetron Inohong dibojong rangkong nuju kaceluk ka awun_awun,kakoncara kajanapria disabudeureun wewengkon sunda..
Sok sanaos nonton na di tivi hitam putih oge..
Bari jeung hurung ku setrum tina aki (acu).
Pami kaleresan seepeun setrum th meuni asa kumaha mah teu nonton sakali teh..

"..Beuuuh...sanes kitu,Iroh..?? "

Hihihi..
BalasHapus
Balasan

Tambahkan komentar

Langganan: Posting Komentar (Atom)

# SEKE SELER

Urang Sunda mangrupakeun salah sahiji séké sélér nu ngeusi utamana bagian kulon pulo Jawa, populasi kadua panglobana di Indonésia. Luyu jeung sajarahna, urang Sunda lolobana sumebar di lemah caina nu kiwari sacara administratif sumebar di propinsi Jawa Kulon, Banten, Jawa Tengah, DKI Jakarta, jeung Lampung kidul. Lian ti éta, program transmigrasi ti Tatar Sunda ka sababaraha wewengkon di Kalimantan jeung Sulawesi ogé ngahasilkeun kantong-kantong masarakat Sunda, katambah ku pribadi-pribadi nu sumebar di sakuliah dunya, nu utamana kadorong ku motif ékonomi.

Basa Sunda

Umumna mah urang Sunda maké basa Sunda (aya sababaraha basa wewengkon, nu masing-masing boga ciri) dina paguneman sapopoé, ngan ka dieunakeun, basa Sunda téh beuki kadéséh ku basa gaul lianna, utamana ku basa Indonésia salaku basa nasional di Indonésia. Di wewengkon wates atawa nu sacara tradisional loba sélér séjén (Jawa), ilahar ogé dipaké basa campuran (Jawa Réang, Jawa Sérang), gumantung jeung saha ngobrolna. Kadéséhna basa Sunda ku basa Indonésia dipangaruhan ku sababaraha hal, di antarana kusabab basa Sunda teu kungsi dipakéna sacara formal, ayana béda basa wewengkon nu kadang dianggap nyusahkeun (sieun salah), sarta lobana sélér séjén nu datang ka Tatar Sunda.

salaku basa nasional di Indonésia. Di wewengkon wates atawa nu sacara tradisional loba sélér séjén (Jawa), ilahar ogé dipaké basa campuran (Jawa Réang, Jawa Sérang), gumantung jeung saha ngobrolna. Kadéséhna basa Sunda ku basa Indonésia dipangaruhan ku sababaraha hal, di antarana kusabab basa Sunda teu kungsi dipakéna sacara formal, ayana béda basa wewengkon nu kadang dianggap nyusahkeun (sieun salah), sarta lobana sélér séjén nu datang ka Tatar Sunda.

Budaya

Numutkeun sajarahna, cenah mah urang Sunda téh boga dasar budaya huma, sahingga condong ka solitér. Titinggal kaadaban kolot kapanggih di wewengkon sisi Situ Bandung Purba, Guha Pawon, sarta sababaraha situs arkéologi mangrupa kabuyutan/pamujaan mégalitik. Di Nusantara/Indonésia, bukti arkéologis nunjukkeun yén kaadaban tulis pangkolotna téh aya di Tatar Sunda. Karajaan-karajaan Sunda nu kacatet dina sajarah atawa katalungtik titinggalna aya sababaraha karajaan, di antarana Salakanagara, Kendan, Tarumanagara, Sunda, Galuh, Sumedanglarang, Cirebon, jeung Banten.

Ageman

Numutkeun titinggal arkéologis sarta naskah-naskah Sunda kuna nu tos katalungtik, urang Sunda jaman baheula boga ageman monotéis, nu ka dieunakeun kapangaruhan/katambah ku ajaran Hindu, Buda, Islam, jeung Kristen. Ageman pituin urang Sunda (Sunda Wiwitan) bisa kénéh ditempo di Kanékés, Banten, nu ti jaman baheula ngurung manéh tina kamodérenan. Kiwari, kalolobaan urang Sunda ngagem Islam.

Upajiwa

Alam Sunda nu taneuhna subur ngarojong ka urang Sunda kana hirup tatanén, boh anu mangrupi: sawah, huma, pakebonan sayur, jeung leuweung produksi. Ka dieunakeun, ku mekarna industri jeung dagang, pakasaban urang Sunda jadi rupa-rupa sakumaha ilaharna bangsa lian.

Stratifikasi sosial

Urang Sunda mah cenah katelah égalitér, kagambarkeun tina basa nu dipaké ku gegedén karajaan jeung cacah dina carita-carita tradisional nu teu wanoh kana undak-usuk atawa tingkatan basa. Kadieunakeun, utamana ti saprak dijajah Mataram, "kamonésan" Sultan Agung dina nyiptakeun undak-usuk basa ditiron ku para ménak Sunda, nu hasilna mangrupa jungkrang antara ménak jeung cacah. Dina jaman dijajah Walanda, dua tingkat sosial ieu kasambung ku istilah priyayi, golongan pagawé pamaréntahan (birokrat, militér, jeung guru) nu sabenerna mah lolobana kaasup golongan ménak kénéh. Dina awal abad ka-20, strata sosial ieu beuki luntur, komo sanggeus jaman kamerdikaan mah. Najan kitu, nepi ka kiwari, watek féodal téh kadang sok kaciri kénéh aya dina kahirupan urang Sunda.

Kasenian

Kasenian Sunda anu masih populér di masarakat di antarana Wayang Golék, tembang Cianjuran, penca, rupa-rupa ibing (jaipongan, tari merak, jsb.), calung, degung, angklung, carita pantun, beluk, jsb.

Ngaran

Urang Sunda mah ilaharna maké ngaran anu basajan, kadang cukup ku sakecap, bari jeung pondok. Ku ayana pangaruh Islam anu kuat, urang Sunda loba nu maké ngaran nu nyokot tina 'asma'ul husna' digabung jeung landihan tradisional. Mun dua kecap, kadang sok maké pola "tolong-menolong" (suku kecap nu diulang), misalna Cécép Gorbacép, Asép Gumasép, Didin Saépudin, jsb. Tapi, kitu sotéh ti golongan cacah, sabab pikeun golongan ménak mah (baheula), biasana mah ngaranna diwangun ku dua kecap, sahingga rada panjang. Misalna baé Umar Wirahadikusumah, Ginanjar Kartasasmita, Huséin Jayadiningrat, Huséin Sastranegara, jsb.

Sumber : http://su.wikipedia.org/wiki/Urang_Sunda

URANG SUNDA KAMARANA?

Sabtu, 11 Desember 2010

Panineungan : 'Inohong di Bojong Rangkong"

4 komentar:

# Tatangga

Website Sunda

# Blog Sunda

# Pangarang